"Taliban" üzvləri əllərində süpürgə küçələri təmizləməyə, yolları təmir etməyə başladılar... - "Əfqanıstanı yenidən qurmaq üçün tər tökək" (FOTO)
- 14:08 - 10 Sentyabr
Yeni hökumətin qurulduğu Əfqanıstanda "Taliban" üzvləri küçələrə çıxaraq şəhərləri təmizləməyə başlayıblar.
Avropa.info xarici KİV-lərə istinadən xəbər verir ki, müharibə nəticəsində zədələnmiş infrastrukturun tədricən təmir olunmağa başladığı bildirilir.
İqtisadi problemlər səbəbindən təmin oluna bilməyən əsas xidmətlər könüllü olaraq "Taliban" üzvləri tərəfindən göstərilməyə başlanıb.
"Taliban" sözçülərindən Suheyl Şahin etdiyi açıqlamada, infrastruktur işlərinə başladıqlarını deyib.
"Vətəndaşlarım, Əfqanıstanı xilas etmək üçün qanımızı tökürdük, indi Əfqanıstanı yenidən qurmaq üçün tər tökək", - deyə Şahin əfqanlara müraciətində bildirib.
Kabil bələdiyyə sədri yol çəkmə işlərini müşayiət edərkən, "Taliban"ın əsas mərkəzi Qəndəharda 16 rayon bələdiyyə sədri, onların müavinləri, jurnalistlər, QHT nümayəndələri və bölgə əhalisi şəhəri təmizləməyə başlayıb.