İƏT-in Baş katibi və yeni seçilmiş rəhbəri təşkilatın qarşısında duran vəzifələri müzakirə ediblər

  • 22:50 - 01 Sentyabr

Səudiyyə Ərəbistanında İslam Əməkdaşlıq Təşkilatının (İƏT) Baş katibi Yusif bin Əhməd Əl-Osaymin və təşkilatın iki aydan sonra fəaliyyətə başlayacaq yeni seçilmiş rəhbəri Hissein Brahim Taha qarşıda duran vəzifələri müzakirə ediblər.

Avropa.info xəbər verir ki, yeni seçilmiş Baş katibə fəaliyyətində uğurlar arzulayan Əl-Osaymin yeni qlobal çağırışlar fonunda İƏT-in fəaliyyətinin daha da gücləndirilməsinin zəruriliyini vurğulayıb. O, təşkilata göstərdiyi dəstəyə görə Səudiyyə Ərəbistanı Krallığına da təşəkkürünü bildirib.

Görüşdə qeyd olunub ki, təşkilata üzv ölkələr arasında əlaqələrin daha da möhkəmlənməsi böyük əhəmiyyətə malikdir. Hazırda dünyanın ikinci böyük dövlətlərarası təşkilatı olan İƏT 4 qitəni əhatə edir, həmçinin İslam ölkələrinin səsinin beynəlxalq ictimaiyyətə çatdırılmasında, müsəlmanların hüquqlarının müdafiəsində mühüm rol oynayır.

Hissein Brahim Taha ötən ilin noyabrında Nigerin paytaxtı Niameydə keçirilmiş İƏT Xarici İşlər Nazirləri Şurasının 47-ci sessiyasında Baş Katibliyin coğrafi bölgüsünə uyğun olaraq, rotasiya qaydasında Afrika qrupunun namizədi kimi təşkilatın Baş katibi seçilib. O, noyabrın 1-dən fəaliyyətə başlayacaq.


Oxunma sayı: 6370

Oxşar yazılar

Sosial Tədqiqatlar Mərkəzi ilə “Divan Araştırma ve Eğitim Derneği” arasında memorandum imzalandı - FOTO
Sosial Tədqiqatlar Mərkəzi ilə “Divan Araştırma ve Eğitim Derneği” arasında memorandum imzalandı - FOTO
  • 14:09 - 03 May
Bakcell çempion şahmatçı Ülviyyə Fətəliyevanı təbrik etdi - FOTO
Bakcell çempion şahmatçı Ülviyyə Fətəliyevanı təbrik etdi - FOTO
  • 18:47 - 02 May
Türkiyənin Qara dənizi “2024-cü ildə ziyarət edilməli ən yaxşı yerlər” SİYAHISINDA
Türkiyənin Qara dənizi “2024-cü ildə ziyarət edilməli ən yaxşı yerlər” SİYAHISINDA
  • 18:43 - 02 May