Türkiyədə baş verən dəhşətli yanğının arxasındakı ölkə və terror təşkilatının adı məlum oldu : Kontr-admiral İLK DƏFƏ AÇIQLADI (FOTO)
- 00:47 - 30 İyul
"Bu bölgələrdə baş verən yanğın səhlənkarlıq üzündən baş vermədi, burada bir niyyət var. Dövlət ciddi bir yunan-PKK terroru ilə üz-üzədir".
Avropa.info xəbər verir ki, bunu Türkiyənin Antaliya bölgəsinin Manavqat səmtində meşə sahəsindən başlayan və yaşayış sahələrinə sıçrayan yanğına münasibət bildirərkən təqüddə olan kontr-admiral Cihat Yayçı deyib. Yayçı baş verən dəhşətli yanğının terror aktı olduğunu deyib.
Cihat Yayçı
SETA-nın hesabatına görə, meşə təxribatının ilk dövrlərində Yunanıstandakı düşərgələrdə həm ideoloji, həm də texniki cəhətdən təlim keçmiş terrorçular Türkiyənin turizm bölgələrində meşə yanğınlarına başlayıblar. PKK terror təşkilatı 1994 -cü ildən bu yana xüsusilə Türkiyənin turizm bölgələrində bir çox yanğınlar törədib.
1995 -ci ilin ilk yarısında PKK tərəfindən 950 hektar meşə sahəsinin yandırılması nəticəsində hədəf alınan şəhərlərin hər birində böhran komitəsi yaradılmış və meşə giriş və çıxışları nəzarətə alınmışdı.
90 -cı illərdə PKK daha çox Egey və Aralıq dənizində meşə təxribatını davam etdirirdi. Terror təşkilatı 1997 -ci ildə Antalyada 650 hektar meşə sahəsini və 200 hektar bağçanı yandırıb. Eyni zamanda Manavqat və Belekdə təxribat cəhdləri edib.
Avropa.info