Hadrut-Cəbrayıl-Şükürbəyli yolunun əhəmiyyəti nədir? – ŞƏRH

  • 15:47 - 17 Mart

"Uzunluğu 43 kilometr olacaq bu yol region üçün strateji əhəmiyyət daşıyacaq”.

Avropa.info xəbər verir ki, bunu Milli Məclisin deputatı Vüqar Bayramov Prezident İlham Əliyevin təməlini qoyduğu Hadrut-Cəbrayıl-Şükürbəyli avtomobil yolundan danışarkən deyib. Onun sözlərinə görə, bu yol başlanğıcını Azərbaycanın tarixi ərazisi olan keçmiş Dağlıq Qarabağ Muxtar Vilayətindən, yəni Hadrut yaşayış məntəqəsindən götürəcək və işğaldan azad olunan digər bölgələri birləşdirəcək:

"Dörd hərəkət zolaqlı yol Cəbrayıl rayonundan keçməklə Şükürbəyli kəndinədək uzanacaq. Digər tərəfdən, yeni yol Hacıqabul-Mincivan-Zəngəzur dəhlizi avtomobil yoluna birləşəcək. Praktik olaraq Zəngəzur dəhlizi vasitəsi ilə Şərq-Qərb beynəlxalq nəqliyyat dəhlizinə inteqrasiya olunacaq. Bu Naxçıvanın Azərbaycanın əsas ərazisi vasitəsilə həmin nəqliyyat dəhlizlərinə çıxışını təmin edəcək. Yol dəhliz vasitəsi ilə həm də Azərbaycanın qərb hissəsində fəaliyyət göstərən iş adamları ilə Naxçıvandakı iş adamları arasında əlaqələrin, əməkdaşlığın qurulması baxımından vacibdir ki, bu da qısa vaxtda məhsulların nəql edilməsinə imkan yaradacaq”.

Deputat qeyd edib ki, bunun Azərbaycanın iqtisadi inkişafına, eləcə də işğaldan azad olunan ərazilərimizin və Naxçıvan Muxtar Respublikasının iqtisadiyyatına müsbət təsirləri olacaq.


Oxunma sayı: 10011

Oxşar yazılar

“Labirintdən çıxış”: Qızların təhsilə cəlbi məsələsi müzakirə edildi - FOTO
“Labirintdən çıxış”: Qızların təhsilə cəlbi məsələsi müzakirə edildi - FOTO
  • 21:28 - 30 Aprel
İordaniyadakı səfirliyimizdə turizm şirkətlərinin rəhbərləri ilə görüş keçirildi - FOTO
İordaniyadakı səfirliyimizdə turizm şirkətlərinin rəhbərləri ilə görüş keçirildi - FOTO
  • 10:43 - 30 Aprel
Ağdam və Tərtərdə aztəminatlı qadınlara dəstək təlimləri keçirilib
Ağdam və Tərtərdə aztəminatlı qadınlara dəstək təlimləri keçirilib
  • 10:26 - 30 Aprel