Bakıda biabırçı GÖRÜNTÜLƏR : Nəsiminin icra başçısı piyadaların hərəkət etdiyi səkini restorana satıb - VİDEO

  • 15:14 - 11 Mart

Paytaxtın Nəsimi rayonu, Dilarə Əliyeva küçəsində “kosmik” bir icad ixtira olunub. Sözügedən küçədə, Milli Konservatoriyanın arxasında piyada yolunu sataraq restoran açıblar. 

Vətəndaşların hər gün istifadə etdiyi səki indi bağlanıb, piyadalar avtomobil yolu ilə hərəkət edirlər.

Hazırda səkinin üstündə “CİO CİO SAN” adlı restoran fəaliyyət göstərir və bu qanunsuzluq obyekt sahibinin vecinə də deyil. 

Görünür, restoran sahibi Nəsimi Rayon İcra Hakimiyyəti və onun başçısı Asif Əsgərovla “dil tapıb”. Əks halda kimin hünəri və ixtiyarı çatar ki, şəhərin mərkəzində, yolun tən ortasında, səkini zəbt edəsən və restoran açasan. Deməli, A.Əsgərovla restoran rəhbəri arasında babat sövdələşmə olub. Ona görə onları nə piyada yolu, nə səki maraqlandırır. /avtosfer.az/


Oxunma sayı: 10517

Oxşar yazılar