Rusiyada baş vermiş ağır avtoqəzada 11 nəfər ölüb
- 00:24 - 30 Yanvar
Rusiyanın Samara vilayətində ağır yol qəzası baş verib. Hadisə zamanı avtobus, yük maşını və minik maşını toqquşub. Avtoqəza zamanı 11 nəfər ölüb.
APA TASS-a istinadən xəbər verir ki, bu barədə regionun qubernatoru Dmitri Azarov özünün “Instagram” səhifəsində yazıb.
“Yol qəzası bu dəqiqələrə qədər 11 nəfərin ölümünə səbəb olub: 10 nəfər hadisə yerində, bir nəfər isə xəstəxanada keçinib. Ümumilikdə 24 nəfər xəsarət alıb, onların hamısı xəstəxanaya yerləşdirilib, üçü hazırda cərrahi əməliyyat olunur”, - deyə Azarov bildirib.