Dərslər yenidən başlayır: Bağçalar və repetitorluq necə olacaq? - Qısa İZAH

  • 18:19 - 22 Yanvar

Pandemiya ilə əlaqədar ötən ilin oktyabrından distant formaya keçirilən tədrisin təşkili forması yenidən dəyişdirilir.

Avropa.info bildirir ki, fevralın 1-dən ümumi təhsil müəssisələrində yenidən hibrid təhsil forması tətbiq edilməklə mərhələlərlə əyani tədris bərpa edilir.

Fevralın 1-dən Bakı, Sumqayıt və Abşeron məktəblərində, o cümlədən bütün ölkə üzrə ibtidai sinif səviyyəsi, ümumtəhsil müəssisələrindəki məktəbəhazırlıq qrupları və icma əsaslı qruplarda tədris qismən başlanılacaq.

Beləliklə, həmin tarixdən ölkədə 1-4-cü sinif şagirdləri məktəbə gedəcəklər. Böyük şəhərlərdə şagirdlər həftədə 3, digər bölgələrdə isə həftədə 4-5 dəfə olmaqla əyani tədrisə cəlb olunacaqlar.

Fevralın 1-dən sonrakı iki həftə ərzində isə V-IX, eləcə də peşə və ali məktəblərdə qismən əyani tədrisə keçilmə ilə bağlı qərar verilə bilər.

Bağçaların fevralın 15-dək açıla biləcəyi gözlənilsə də, bununla bağlı hələlik dəqiq proqnoz verilmir.

Fevralın 1-dən sanitar-gigiyenik tələblərə əməl etməklə repetitorluq fəaliyyəti üzrə tədrisə icazə verilir.


Oxunma sayı: 1695

Oxşar yazılar

Türkiyənin Azərbaycandakı səfirliyində yeni TƏYİNAT
Türkiyənin Azərbaycandakı səfirliyində yeni TƏYİNAT
  • 12:00 - 19 Aprel
Paris İrəvanla Bakı arasında münasibətlərin normallaşmasına mane olur - AÇIQLAMA
Paris İrəvanla Bakı arasında münasibətlərin normallaşmasına mane olur - AÇIQLAMA
  • 21:27 - 18 Aprel
Troyada ən qədim yaşayış məskənləri - FOTO
Troyada ən qədim yaşayış məskənləri - FOTO
  • 14:59 - 17 Aprel