"WhatsApp"dan daha bir skandal – Bu sosial şəbəkə yazışmaları "Google"a necə ötürür? – FOTOLAR
- 12:23 - 13 Yanvar
Son günlərdə yeni gizlilik siyasəti ilə gündəmdə olan "WhatsApp" indi isə imza atdığı bir xəta ilə növbəti skandal yaradıb.
Avropa.info xəbər verir ki, ilk olaraq "Gadgets 360" tərəfindən kəşf edilən bir xəta "WhatsApp" söhbətlərinin "Google"da indekslənməsinə səbəb olub.
Sözü gedən xəta özəl "WhatsApp" qruplarının "Google"da axtarış edən insanlar tərəfindən əldə etmək imkanı verir.
Bu xəta, eyni zamanda, gizli "whatsApp" qruplarının qatılma linklərini axtarış sistemində yer almasına səbəb olub.
Başqa sözlə, hər kəs qısa bir Google axtarışından sonra özəl olan qruplar üçün qoşulma bağlantısını taparaq bu qruplara qoşula bilər.
"WhatsApp" qruplarının axtarış sisteminə qoşulma linklərini indeksləşdirməsi ilə başlayan və bir çox istifadəçidə etiraz doğuran bu vəziyyət təhlükəsizlik zəifliyinə səbəb olub.
"The Economic Times" xəbər verir ki, "WhatsApp" sözügedən problemin həll olunduğunu açıqlayıb. Ancaq 2020-ci ildə də oxşar bir problem yaşanmışdı və problemin qısa müddətdə həll edildiyi bildirilmişdi. Hər il bənzər bir problemin ortaya çıxması istifadəçilərdə haqlı sual yaradıb..