47 yaşlı qadında koronavirusun 18 mutasiyası aşkarlandı

  • 13:17 - 12 Yanvar

Altı ay "COVID-19" xəstəliyindən əziyyət çəkən rusiyalı pasiyentin bədənində 18 yeni koronavirus mutasiyası meydana gəlib.

Avropa.info qafqazinfo-ya istinadən xəbər verir ki, 47 yaşlı xərçəng xəstəsi olan pasiyent 2020-ci ilin aprelində xəstəxanada kimyəvi terapiya kursu keçərkən koronavirusa yoluxub. 9 sentyabra qədər apardığı testlər infeksiya üçün müsbət nəticə verib.

Yazda və yazın sonlarında qadından götürülmüş nümunələrin müqayisəli tədqiqatı aparılıb. Genomun sıralanmasına görə, tapılan mutasiyalardan ikisinin Danimarkada aşkarlanan mutasiya ilə eynilik təşkil etdiyi məlum olub.

Sibir Federal Universitetinin Genomika və Bioinformatika kafedrasının professoru, Göttingen Universitetinin (Almaniya) professoru Konstantin Krutovski, virusun daha yoluxucu İngilis variantının (VOC-202012/01), ehtimal ki, əslində immuniteti zəif xəstənin bədənindən çıxdığını bildirib.

Bundan əvvəl Qamaleya Mərkəzinin rəhbəri Aleksander Quntsburq İngiltərədə olduğu kimi Rusiyanın özünün koronavirus növünə sahib ola biləcəyini irəli sürmüşdü. O, çox güman ki, belə bir mutasiyanın artıq mövcud olduğunu, lakin hələ rəsmi olaraq müəyyən edilmədiyini iddia etmişdi.


Oxunma sayı: 2795

Oxşar yazılar

Bakıda avtobusda İNSİDENT: Sürücünün hərəkəti sərnişini qəzəbləndirdi – Şüşəni yumruqladı
Bakıda avtobusda İNSİDENT: Sürücünün hərəkəti sərnişini qəzəbləndirdi – Şüşəni yumruqladı
  • 13:01 - 01 May
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin! - FOTO
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin! - FOTO
  • 10:57 - 01 May
“Labirintdən çıxış”: Qızların təhsilə cəlbi məsələsi müzakirə edildi - FOTO
“Labirintdən çıxış”: Qızların təhsilə cəlbi məsələsi müzakirə edildi - FOTO
  • 21:28 - 30 Aprel