Dövlət büdcəsinə külli miqdarda ziyan vuran rəis hakim qarşısına çıxarılır

  • 18:58 - 28 Dekabr

Şirvan şəhər İcra Hakimiyyətinin vəzifəli şəxslərinin qanunsuz əməlləri barədə cinayət işinin ibtidai istintaqı yekunlaşıb.

Baş Prokurorluqdan Avropa.info-ya verilən məlumata görə, cinayət işi baxılması üçün məhkəməyə göndərilib.

Xatırladaq ki, Şirvan şəhər İcra Hakimiyyətinin Kommunal Kombinatı Müəssisəsinin rəisi Vəliyev Aqil Rəhimdil oğlunun qanunsuz hərəkətləri barədə vətəndaşın Korrupsiyaya qarşı Mübarizə Baş İdarəsinə daxil olan müraciəti əsasında aparılmış əməliyyat-axtarış tədbirləri nəticəsində Cinayət Məcəlləsinin müvafiq maddəsi ilə cinayət işi başlanıb.

Aparılmış istintaq-əməliyyat tədbirləri ilə Aqil Vəliyevin və müəssisənin baş mühasibi Şərbətov Tural Kamil oğlunun qabaqcadan əlbir olaraq 2016-2019-cu illərdə müəssisəyə ümumilikdə 92 nəfər şəxsi işə qəbul olunmuş kimi rəsmiləşdirməklə, həmin şəxslərin adına olan plastik hesab kartlarına köçürülmüş ümumilikdə 186 min 773 manat məbləğində pul vəsaitini mənimsəmələrinə əsaslı şübhələr müəyyən edilib.

İş üzrə toplanmış sübutlar əsasında Aqil Vəliyev və Tural Şərbətova müvafiq olaraq Cinayət Məcəlləsinin 179.3.2 (külli miqdarda mənimsəmə və ya israf etmə), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham elan edilib.

İstintaq zamanı cinayət nəticəsində dəymiş 186 min 773 manat məbləğində maddi ziyanın dövlət büdcəsinə tam həcmdə ödənilməsi də təmin edilib.


Oxunma sayı: 4841

Oxşar yazılar

Bakıda avtobusda İNSİDENT: Sürücünün hərəkəti sərnişini qəzəbləndirdi – Şüşəni yumruqladı
Bakıda avtobusda İNSİDENT: Sürücünün hərəkəti sərnişini qəzəbləndirdi – Şüşəni yumruqladı
  • 13:01 - 01 May
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin! - FOTO
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin! - FOTO
  • 10:57 - 01 May
“Labirintdən çıxış”: Qızların təhsilə cəlbi məsələsi müzakirə edildi - FOTO
“Labirintdən çıxış”: Qızların təhsilə cəlbi məsələsi müzakirə edildi - FOTO
  • 21:28 - 30 Aprel