ATU-nun professoru: “Ev şəraitində müalicə alan koronavirus xəstələri infeksiya mənbəyidir”
- 15:11 - 02 Dekabr
“Bu gün ev şəraitində müalicə alan xəstələrimiz infeksiya mənbəyidir”.
APA-nın məlumatına görə, bu gün keçirilən brifinqdə Azərbaycan Tibb Universitetinin professoru Akif Qurbanov deyib.
O bildirib ki, yoluxma sayının artmasında əsas faktor hazırda ailədaxili yoluxmalardır: “Ev şəraitində müalicə alanlar özlərini izolyasiya etməlidir. Əks halda, ətrafında olanların da yoluxması üçün şərait yaranır. Evdəki hər bir şəxs yoluxmuş xəstəyə ehtiyatla yanaşmalı, özünü tam mənada təcrid etməlidir”.