"Ermənistan iqtisadiyyatı fəlakət həddindədir" – Erməni iqtisadçı faciəvi statistikanı açıqladı

  • 12:34 - 25 Noyabr

Ermənistanın iqtisadiyyatı fəlakətli vəziyyətdədir.

Avropa.info xəbər verir ki, bu barədə "Galaxy" şirkətlər qrupunun strategiya və innovasiya xətti üzrə direktoru, Stenford Universitetinin məzunu, Ermənistan-Rusiya (Slavyan) Universitetinin müəllimi Edqar Karapetyan öz “Facebook” səhifəsində yazıb.

O, Ermənistan iqtisadiyyatının fəlakət həddində olmasını xüsusilə qeyd edib:

"İqtisadiyyatımızla nə baş verdiyini hələ başa düşməyənlər üçün xüsusi olaraq: iqtisadiyyat fəlakət vəziyyətindədir və biz bu vəziyyətə son 2 ildə qeyri-uyğun, populist və savadsız iqtisadi siyasət nəticəsində gəldik.

Nəticələr isə aşağıdakı kimidir (2020-ci ilin yanvar-sentyabr dövrü əks olunub, müharibənin nəticələri hələ nəzərə alınmayıb):

- İqtisadi tənəzzül - 6,6%

- Sənayedə azalma -3,7% (dağ-mədən sənayesi olmadan)

- Kənd təsərrüfatının nominal artımı 0,6%

- Tikinti sektorunun azalması - 15,7%

- Xidmətlərin azalması - 11,7%

- İxracın azalması - 4,4%

- İdxalın azalması - 13,7%.

2019-ci ildə birbaşa investisiyaların sırf daxili axını cəmi 99 milyon dollar (2018-ci ildə 230 milyon dollar və 2017-ci ildə 193 milyon dollar) təşkil etmişdir. 2020-ci ilin nəticələri daha fəlakətli olacaq.

Fəlakətin nəticələrini isə biz artıq yekunlaşdırırıq:

- dramı dəyərsizləşməsi (alış kursu artıq $1 - 520-525 dram);

- qiymət artımı;

- kiçik biznesdə total nağd pul defisiti;

- 9 ay ərzində vergi gəlirlərinin kəsri (ilkin planın -12,4% -i).

Uzunmüddətli nəticələr hələ qarşıdadır - gəlirlərin azalması, işsizlik və yoxsulluğun artması. Müharibənin iqtisadi nəticələrini hələ də hiss edəcəyik".


Oxunma sayı: 1739

Oxşar yazılar