ABŞ səfirliyindən Bakıda yaşayan ABŞ vətəndaşlarına terror xəbərdarlığı - RƏSMİ

  • 22:29 - 24 Oktyabr

ABŞ-ın Azərbaycandakı Səfirliyi, “Abşeron J.W. Marriott” kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib. 

Avropa.info xəbər verir ki, səfirliyin rəsmi saytında yayılan məlumatda ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, ABŞ səfirliyindən gələn mesaj Azərbaycan xüsusi xidmət orqanlarının aldığı məlumatlarla səslənir. Beləliklə, Azərbaycan Dövlət Təhlükəsizliyi Xidmətinə (DTX) daxil olan məlumata görə, Ermənistan xüsusi xidmət orqanları, ordularının cəbhədə, yəni izdihamlı yerlərdə və ictimai nəqliyyatda olan bir sıra məğlubiyyətlərini gizlətmək üçün Azərbaycanın böyük şəhərlərində terror, təxribat xarakterli aktları və digər hərəkətləri həyata keçirmək niyyətindədir. 

Xatırladaq ki, Ermənistan terror siyasətini davam etdirərək müxtəlif vaxtlarda ölkəmizin ərazisində 30-dan çox terror aktı təşkil edib. 


Oxunma sayı: 3114

Oxşar yazılar