Ermənistan ordusu bütün cəbhəboyu genişmiqyaslı təxribat törədib - Mülki əhali arasında şəhid olan və yaralılar var

  • 08:28 - 27 Sentyabr

Azərbaycan Müdafiə Nazirliyi Ermənistan ordusunun bütün cəbhə boyu genişmiqyaslı təcavüzə başlaması və azərbaycanlı mülki əhali, o cümlədən hərbçilər arasında tələfatın olması barədə təcili məlumat yayıb.

Məlumatda deyilir:

Sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı  kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.
Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.


Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.


Oxunma sayı: 2322

Oxşar yazılar