AFFA-dan şəhid hərbçi ilə bağlı paylaşım

  • 16:00 - 21 Sentyabr

AFFA rəsmi "Facebook" səhifəsində Beynəlxalq Sülh Günü ilə bağlı paylaşım edib.

Avropa.info xəbər verir ki, paylaşımda bu gün Tovuz istiqamətində erməni təxribatı nəticəsində şəhid olan Azərbaycan Ordusunun müddətdən artıq həqiqi hərbi xidmət hərbi qulluqçusu kiçik çavuş Məmmədov Elşən Əli oğlu ilə bağlı başsağlığı mesajı da yer alıb.

"Bu gün Beynəlxalq Sülh Günüdür. Təəssüf ki, səhəri şəhid xəbəri ilə açdıq. Tovuz istiqamətində düşmənin növbəti təxribatı nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu kiçik çavuş Məmmədov Elşən Əli oğlu şəhid olub. Şəhidimizə Allahdan rəhmət diləyir, ailəsinə dərin hüznlə başsağlığı veririk. Ümid edirik vətənimizin üzərindən qara buludlar tezliklə çəkilər, torpaqlarımız düşmən tapdağından azad olar və hər birimiz sülhü dadarıq", - məlumatda bildirilib.


Oxunma sayı: 1948

Oxşar yazılar