Bakı Metropoliteni istirahət günlərində sərnişindaşıma fəaliyyəti göstərməyəcək RƏSMİ

  • 21:30 - 13 Sentyabr

Azərbaycan Respublikası Nazirlər Kabinetinin “Xüsusi karantin rejimi ilə bağlı əlavə tədbirlər barədə” 12 sentyabr 2020-ci il tarixli 336 №-li Qərarına uyğun olaraq, buna qədər qüvvədə olmuş bir sıra qərarlar ləğv edilib.

“Bakı Metropoliteni” Qapalı Səhmdar Cəmiyyətindən Avropa.info-ya verilən məlumata görə, bu xüsusda “Xüsusi karantin rejiminin sərtləşdirilməsi ilə bağlı əlavə tədbirlər barədə” 3 iyul 2020-ci il 236 №-li Qərarı ilə Bakı metropolitenində sərnişindaşıma fəaliyyəti 4 iyul saat 00:00-dan 20 iyul saat 06:00-a qədər dayandırılması, həmçinin 17 iyul 2020-ci il tarixli 255 nömrəli Qərarı ilə avqust ayının 5-nə, 4 avqust 2020-ci il tarixli 278 nömrəli Qərarı ilə avqust ayının 31-nə və 29 avqust 2020-ci il tarixli 311 nömrəli Qərarı ilə sentyabr ayının 15-nə kimi sərnişindaşıma fəaliyyətinin dayandırılma müddətinin uzadılması barədə qərarları qüvvədən düşüb.

Azərbaycan Respublikası Nazirlər Kabinetinin 336 №-li Qərarına uyğun olaraq, 2020-ci il 14 sentyabr saat 06:00-dan Bakı metropolitenində sərnişindaşıma fəaliyyəti bərpa edilir.

Lakin həmin Qərarın 1.2.5 bəndinə uyğun olaraq, sərnişindaşıma fəaliyyəti bərpa edilsə də, aşağıda qeyd edilən müddətlərdə Bakı metropoliteni sərnişindaşıma xidməti göstərməyəcək:

2020-ci il 19 sentyabr saat 00:00-dan 2020-ci il 21 sentyabr saat 06:00-dək; 2020-ci il 26 sentyabr saat 00:00-dan 2020-ci il 28 sentyabr saat 06:00-dək.


Oxunma sayı: 6238

Oxşar yazılar

Əmmanda turizm sərgisi keçirildi – FOTO
Əmmanda turizm sərgisi keçirildi – FOTO
  • 23:45 - 24 Aprel
COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel
Dünyanın ən gözəl ölkələrindən birində işləmək istərdinizmi? - FOTO
Dünyanın ən gözəl ölkələrindən birində işləmək istərdinizmi? - FOTO
  • 12:33 - 24 Aprel