Türkiyədən maşınla qayıtmaq istəyən vətəndaşlarımızın nəzərinə

  • 13:25 - 15 Avqust

“Türkiyədə olan vətəndaşların avtomobili ilə geri qayıtması ilə bağlı xüsusilə pandemiyanın başladığı ilk dövrlərdə bu kimi müraciətlərlə çox üzləşmişdik”.

APA-nın məlumatına görə, bunu Nazirlər Kabineti yanında Operativ Qərargahın brifinqində Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

O bildirib ki, həmin dövrdə Türkiyənin öz içərisində şəhərlərarası nəqliyyatın hərəkətində məhdudiyyət var idi: “Həmçinin növbəti ölkə olaraq Gürcüstan ərazisinə avtomobillər daxil olmalı idi. O zaman xüsusi icazələr təşkil olundu. Bir neçə dəfə xüsusi avtobuslar ayrılmışdı ki, həmin avtobuslar vasitəsilə vətəndaşlarımız Türkiyədən Gürcüstana və Gürcüstandan Azərbaycana gətirilməsi təmin olunsun. Hazırda belə müraciətlər Operativ Qərargahda yoxdur”.


Oxunma sayı: 4313

Oxşar yazılar