Çempionlar Liqasında final mərhələsi başlayır

  • 19:10 - 11 Avqust

Sabah Çempionlar Liqasının 2019/20 mövsümünün Portuqaliyada keçiriləcək final mərhələsi start götürəcək.

Apasport.az saytının məlumatına görə, bir oyundan ibarət olacaq 1/4 final mərhələsinin qarşılaşmaları 4 günü əhatə edəcək.

Sabahdan etibarən hər gün Lissabonda bir oyun baş tutacaq. İlk olaraq “Atalanta” ilə PSJ üz-üzə gələcək. İtaliyanın bu turnirdə yoluna davam edən yeganə komandası favoritlərdən sayılan Paris təmsilçisi qarşısında sensasiya etməyə çalışacaq.

ƏTRAFLI

Red Bull

1/4 finalın daha bir sürpriz komandası “Leypsiq” bu turnirin son illər təcrübəli klubuna çevrilən “Atletiko” önündə gücünü sınayacaq.

Avqustun 14-də erkən final baş tutacaq. Bu mərhələnin ən çox maraq doğuran duelində İspaniya və Almaniyanın digər komandaları “Barselona” ilə “Bavariya” yarımfinala vəsiqə uğrunda qarşılaşacaq.

Son gündə isə müvafiq olaraq “Real” və “Yuventus”u sıradan çıxaran “Mançester Siti” ilə “Lion” münasibətlərinə aydınlıq gətirəcək.

Qeyd edək ki, cütlüklərdə hələlik ilk iki oyunun hakimləri açıqlanıb.

Çempionlar Liqası
1/4 final
12 avqust
23:00. “Atalanta” (İtaliya) – PSJ (Fransa)
Baş hakim: Entoni Teylor (İngiltərə)
Lissabon. “Da Luş” stadionu

13 avuqst
23:00. “Leypsiq” (Almaniya) – “Atletiko” (İspaniya)
Baş hakim: Şimon Marçinyak (Polşa)
Lissabon. “Joze Alvelade” stadionu

14 avqust
23:00. “Barselona” (İspaniya) – “Bavariya” (Almaniya)
Lissabon. “Da Luş” stadionu

15 avqust
23:00. “Mançester Siti” (İngiltərə) – “Lion” (Fransa)
Lissabon. “Joze Alvelade” stadionu


Oxunma sayı: 17337

Oxşar yazılar