Hemilton "Formula 1" üzrə Macarıstan Qran-prisinin qalibi olub
- 21:03 - 19 İyul
"Formula 1" üzrə Macarıstan Qran-prisində sonuncu yürüş keçirilib.
"Report"un məlumatına görə, dördüncü yürüşdə ən yaxşı nəticəni "Mercedes"in britaniyalı pilotu Lüis Hemilton göstərib.
O, bununla da "Formula 1" üzrə Macarıstan Qran-prisinin qalibi olub.
Yarışda ikinci yerə Niderland təmsilçisi "Red Bul"un pilotu Maks Ferstappen (+8,702) çıxıb. Üçüncü yeri "Mercedes"dən fin Valtteri Bottas (+9,452) tutub.
Bununla da Macarıstan Qran-prisinə yekun vurulub.
Qeyd edək ki, "Formula 1" üzrə Macarıstan Qran-prisinə iyulun 17-də start verilmişdi.