"Seçici görməlidir ki, deputat onun problemlərindən danışır" – Qüdrət Həsənquliyev

  • 12:40 - 09 İyul

Avropa.info Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin Moderator.az-a müsahibəsini təqdim edir:

- Qüdrət bəy, Milli Məclisin yaz sesiyası başa çatdı, hansı təəssüratlarla tətilə getdiniz? Parlamentə ilk dəfə seçilən deputatlar barədə fikrinizi bilmək də maraqlı olardı...

- Milli Məclis yaz sesiyasını pandemiya dövründə keçirdi və bu sözsüz ki, bizim işimizə mənfi təsirini göstərdi. Komitə iclasları əsasən video konfranslar formatında keçirilirdi. Bəzən iclasları tez yekunlaşdırmağa çalışırdıq. Amma bütün bunlara baxmayaraq bir çox müsbət dəyişiklikləri də qeyd etmək istərdim. Məclisdə təşəbbüskarlıq və sağlam tənqid, həmçinin müəyyən istisnalarla sağlam tənqidə dözümlülük artıb. Deputatlara imkan yaradılırdı ki, seçicilərinin problemlərindən danışa bilsin. Hətta bəzi həmkarlarımız bundan narahatlıqlarını ifadə edirdilər ki, destruktiv qüvvələr problemlərin səsləndirilməsindən sui-istifadə edir. Mənim fikrim bu məsələdə ondan ibarətdir ki, seçici görməlidir ki, onun deputatı onun problemlərindən danışır. Əks halda, onun problemlərindən danışılan başqa auditoriya axtaracaq, başqasını öz maraqlarının təmsilçisi kimi görəcək.

Yeni seçilmiş deputatlara gəldikdə isə bəzilərinin iddialı danışması heç kimi narahat etməməlidir,əksinə sevindirməlidir.Təki onlar yaxşı parlamentar kimi özlərini təsdiq edə bilsinlər.Deputatın işi o olmamalıdır ki,seçicisinin gündəlik qayğıları ilə birbaşa məşğul olsun.Bunun üçün icra orqanları,bələdiyyələr var.Deputat problemlərin nədən qaynaqlandığını öyrənməli seçiciləri üçün firəvan həyatı, qanunun aliliyini təmin edəcək qanunvericilik bazasının yaradılmasına öz töhfəsini verməlidir.Yeni seçilmiş deputatların əksəriyyəti parlamentin işinə fəal formada qatılıb və bu da bizi sevindirməyə bilməz.

 - Həmin deputatların ən fəallarından bir neçəsinin adımı çəkə bilərsinizmi?

- Əlbəttə, çəkə bilərəm. Amma mənim qiymətləndirməmdə yalnız fəallıq yetərli deyil. Onun qaldırdığı problemi, yaxud müzakirə olunanan məsələni dərindən bilməsi, çıxış etdiyi məsələnin aktuallığı və öz təklifini əsaslandırma bacarığı önəmlidir. Bu baxımdan Nigar xanım, Razi bəy, Afət xanım, Etibar bəy diqqətimi çəkib. Sözsüz ki, bu siyahını daha da artırmaq olardı, amma bu şəxsıər ilk yadıma düşənlər oldu.


Oxunma sayı: 4500

Oxşar yazılar