Paşinyan xarici agentlər şəbəkəsinə xidmət edir - "VETO" bəyanat yaydı

  • 21:12 - 07 İyul

“Ölkədə hakimiyyəti mənimsəyən qüvvə xarici agentlər şəbəkəsinə xidmət edir. Onlar fövqəladə vəziyyət rejimi altında sərbəst toplaşmaq azadlığını məhdudlaşdırır”.

Virtualaz.org yerli KİV-ə istinadən bildirir ki, Ermənistanın "VETO" ictimai-siyasi hərəkatının bəyanatında belə deyilir.

Qeyd edilir ki, son 4 ayda hakim siyasi qüvvə qanunsuz olaraq tətbiq olunan ictimai müqavimətin olmamasından faydalanaraq, açıq şəkildə anti-dövlət, anti-milli gündəmə xidmət edir - erməni Apostol Kilsəsi ilə mübarizə aparır, uşaqların cinsi istismarı və onlara qarşı cinsi zorakılıqla bağlı müxtəlif konvensiyaları ratifikasiya edir, ardıcıl olaraq ermənişünaslıq fənlərini tədris planlarından çıxarır, əvəzində cinsi tərbiyə ilə bağlı proqramlar təqdim edir, trans-fahişələrin maneəsiz fəaliyyət göstərməsini təmin edir, onların müdafiəsinə qalxır.

"Bu il 13 iyulda hökumət bir daha mitinq azadlığı hüququnu məhdudlaşdıraraq, fövqəladə vəziyyət rejimini qanunsuz olaraq uzatmaq niyyətindədir. Buna etiraz olaraq “VETO” ictimai-siyasi hərəkatının lideri Narek Malyan öz avtomobilində yürüşə çıxaraq, təkbaşına kampaniya aparacaq. Bu, heç bir şəkildə qərarlara və məhdudiyyətlərə zidd deyil”, - deyə sənəddə qeyd olunub

Bəyanatda, həmçinin vurğulanıb ki, hakimiyyətin qanunsuz fəaliyyətindən və ölkədəki vəziyyətdən narahat olan bütün insanlar, ictimai və siyasi qüvvələr avtoyürüş aksiyasına qoşula bilərlər.


Oxunma sayı: 4852

Oxşar yazılar