Rusiyada bir xəstəxananın 100-dən çox həkimi koronovirusa yoluxdu
- 16:56 - 07 İyul
Rusiyanın Sverdlovsk vilayətinin 1 saylı Yekaterinburq xəstəxanasında 100-dən çox həkim koronovirusa yoluxub.
Avropa.info xəbər verir ki, bu barədə səhiyyə sahəsində işləyən mənbə məlumat verib. May və iyun ayında ümumilikdə 140 əməkdaş yoluxub. İki həkimin, o cümlədən cərrahiyə şöbəsinin müdiri Yuri Mansurovun koronovirusdan öldüyü bildirilir.
Xəstəxananın baş həkimi İqor Trofimov faktı təsdiqləyib və onlardan 92 nəfərinin sağalaraq işə davam etdiyini bildirib. Xəstəxananın üç şöbəsi karantindədir.