Milli Məclisdə Kanada parlamentarisinin Dağlıq Qarabağa qanunsuz səfəri pislənildi

  • 12:23 - 02 İyun

Azərbaycan Respublikasının Dağlıq Qarabağ bölgəsinin azərbaycanlı icmasının rəhbəri, deputat Tural Gəncəliyev Milli Məclisin bu gün keçirilən növbədənkənar plenar iclasında Kanada Parlamentinin üzvü Reyçl Harderin Azərbaycanın işğal olunmuş ərazilərində Ermənistan tərəfindən təşkil edilmiş qondarma rejimin nümayəndəsinə "təbrik məktubu"nu göndərməsini tənqid edib.

Avropa.info xəbər verir ki, T.Gəncəliyev Kanada parlamentinin üzvlərinə etiraz məktubu göndərdiyini deyib.

O qeyd edib ki, Reyçl Harderin köməkçisi erməni mənşəlli Kanada vətəndaşıdır: "Çox böyük ehtimalla həmin köməkçi deputat Reyçl Harderin saxta məlumatlarla təmin edib. Yaxşı olardı ki, deputat belə məlumatları əldə etdikdən sonra onu dəqiqləşdirərdi. Münaqişə ilə bağlı məsələni öbyektiv şəkildə öyrəndikdən sonra addım atardı. Kanada Azərbaycanın ərazi bütövlüyünü tanıyır və yüksək demokratik prinsiplərə, qanun aliliyinə önəm verir. Kanada kimi bir dövlətin parlamentarisinin belə bir addım atması təəssüf hissi doğurur".


Oxunma sayı: 1585

Oxşar yazılar