İranda silahlı qruplaşma üzvləri ilə sərhədçilər arasında atışma olub, ölənlər var
- 12:35 - 29 May
İranın Kürdüstan əyalətinin Sərdəşt sərhəd bölgəsində silahlı qruplaşma üzvləri ilə sərhədçilər arasında atışma qeydə alınıb.
APA-nın məlumatına görə, insident sərhədçilərin patrul xidməti yerinə yetirərkən sərhədi keçməyə cəhd edən silahlı dəstə arasında baş tutub.
Atışma nəticəsində silahlı şəxslərdən bir neçə nəfər öldürülüb.
Həmçinin İran sərhədçilərindən 3 nəfər həyatını itirib.