Azərbaycanda sənaye istehsalının həcmi artıb

  • 10:50 - 26 May

2020-ci ilin yanvar-aprel aylarında sənaye müəssisələri və bu sahədə fəaliyyət göstərən fərdi sahibkarlar tərəfindən istehsal olunmuş malların və göstərilmiş xidmətlərin həcmi 3,0 faiz artaraq 13,0 milyard manat təşkil edib.

Dövlət Statistika Komitəsindən Avropa.info-ya verilən məlumata görə, sənayenin qeyri neft-qaz sektorunda istehsal əvvəlki ilin yanvar-aprel ayları ilə müqayisədə 16,8 faiz, neft-qaz sektorunda isə 1,6 faiz artıb.

Sənaye məhsulunun 63,1 faizi mədənçıxarma, 30,5 faizi emal, 5,6 faizi elektrik enerjisi, qaz və buxar istehsalı, bölüşdürülməsi və təchizatı, 0,8 faizi isə su təchizatı, tullantıların təmizlənməsi və emalı sektorlarında istehsal olunub

  •  

Sənayedə qeyri-dövlət sektorunun payı 77,8 faiz olub. Ümumi istehsalın 85,6 faizi sənaye məhsullarının istehsalı, 14,4 faizi isə sənaye xarakterli xidmətlərin göstərilməsi hesabına yaradılıb.


Oxunma sayı: 7316

Oxşar yazılar