BMT-nin 100-dən çox əməkdaşı koronavirusa yoluxdu
- 19:23 - 03 Aprel
BMT-nin azı 111 əməkdaşı koronavirusa yoluxub.
Bunu təşkilatın Cenevrədəki mənzil-qərargahının rəsmi nümayəndəsi Alessandra Velluççi deyib.
Onun sözlərinə görə, təkcə Cenevrədə 9 yoluxma qeydə alınıb.
Qeyd olunur ki, koronavirusa yoluxan əməkdaşlar BMT-nin Ticarət və İnkişaf Konfransının, BMT-nin İnsan Haqları üzrə Ali komissarının İdarəsinin, eləcə də Cenevrədəki mənzil-qərargahının əməkdaşlarıdır.
İsveçrədə xəstəliyin sürətlə yayılması ilə əlaqədar elan olunan fövqəladə vəziyyət şəraitində əksər ofis işçiləri, eləcə də BMT əməkdaşları uzaq məsafədən işə başlayıblar.(trend)