Koronavirus peyvəndi siçanlar üzərində sınaqdan keçirildi : Səbirsizliklə gözlənilən sonuc açıqlandı

  • 13:53 - 03 Aprel

ABŞ siçanlar üzərində sınaqdan keçirdiyi koronavirus peyvəndi ilə bağlı ümidverici nəticələr açıqlayıb.   

Avropa.info xəbər verir ki, ABŞ-ın Pittsburq şəhərində siçanlar üzərində peyvənd testlərindən ümidverici nəticələr əldə edilib. 

Reuters agentliyinin məlumatına  görə, alimlər vaksinin Covid-19 infeksiyasının qarşısını ala biləcək gücdə olduğunu bildiriblər. Potensial peyvəndi hazırlayan Pittsburq Tibb Məktəbinin komandası, SARS və MERS kimi xəstəliklərə səbəb olan koronavirus növlərini araşdıraraq inkişaf prosesini sürətləndirdiklərini qeyd ediblər. 

"Koronavirusun yeni növü ilə əlaqəli olan bu iki virus bizə müəyyən bir protein öyrətdi. Buna" sünbül "zülalı deyilir və immunitet toxunulmazlığı üçün vacibdir" - dosent Andrea Qambotto belə deyib.

Tədqiqatçılar  "PittCoVacc" adlandırdıqları peyvənd siçanlar üzərində sınaqdan keçirildikdən sonra 2 həftə bunu test ediblər. Nəticələr ümidverici olsa da, tədqiqatçılar ehtiyatla yanaşmağın tərəfdarıdırlar. 

"Bu immunitet sisteminin reaksiyasının nə qədər davam edəcəyi hələ məlum deyil. Heyvanlar kifayət qədər uzun müddət müşahidə edilmədi." - dosent Andrea Qambotto belə deyib. 

Qambotto, peyvəndin ucunda şəkərdən və 'sünbüllü' zülaldan hazırlanmış 400 kiçik iynənin olduğunu və barmaq ölçülü bir lent parçasına bənzədiyini qeyd edib.

Xatırladaq ki, dünyada bir milyondan çox insan yeni tip koronavirusa yoluxub və 50 mindən çox insan ölüb. . Dünyanın bir çox ölkəsində mütəxəssislər xəstəliyin yayılmasını zəiflətmək üçün peyvənd tapmağa çalışırlar.


Oxunma sayı: 10198

Oxşar yazılar