Türkiyədə koronavirus qurbanlarının sayı 356-ya çatdı
- 21:12 - 02 Aprel
Türkiyədə son bir gündə 2 456 koronavirusa yoluxma faktı qeydə alınıb.
Avropa.info xəbər verir ki, bu barədə Türkiyənin səhiyyə naziri Faxrəddin Qoca bildirib.
O qeyd edib ki, bununla da Türkiyədə koronavirusa yoluxanların sayı 18 135 nəfərə çatıb, ölənlərin sayı isə 79 nəfər artaraq 356 nəfərə yüksəlib.
Nazirin sözlərinə görə, dünyasını dəyişən xəstələrin 82%-i yaşı 60 və daha çox olan insanlardır.
Bundan başqa, son sutkada daha 82 xəstə sağalıb. Beləliklə, ümumilikdə sağalanların sayı 415-ə çatıb.
Bildirilib ki, bu gün 18 757 nəfər testdən keçib. Ümumilikdə testdən keçənlərin sayı isə 125 556 nəfərə yüksəlib.