Pakistan Qarabağdakı qondarma “seçkiləri” pislədi
- 15:38 - 30 Mart
Azərbaycanın işğal olunmuş ərazilərində martın 31-də keçirilməsi planlaşdırılan qondarma “prezident” və “parlament” seçkiləri ilə bağlı Pakistanın İnsan Hüquqları üzrə Milli Komissiyasının (National Commission for Human Rights) sədri Əli Nəvaz Çohan bəyanat yayıb.
Azərbaycanın Pakistandakı səfirliyindən Avropa.info-ya verilən məlumata görə, Beynəlxalq Ədalət Məhkəməsinin sabiq hakimi və tanınmış hüquqşünas olan Ə.N.Çohanın verdiyi bəyanatda Dağlıq Qarabağ bölgəsi işğal altında olduğundan burada “seçkilər”in keçirilməsinin qeyri-qanuni, beynəlxalq norma və prinsiplərə zidd olduğu bildirilib və “seçkilər”in keçirilməsi qəti şəkildə qınanılıb.
"Mən 2020-ci il martın 31-də Azərbaycanın Ermənistan tərəfindən işğal etdiyi Dağlıq Qarabağ regionunda yaradılmış qanunsuz rejimin qondarma "parlament və prezident seçkiləri"nin keçirilməsini qətiyyətlə pisləyirəm. Mən Azərbaycana dəstək olaraq Pakistan hökumətinə və BMT-yə qoşuluram. Həmçinin, Ermənistanın Xocalıda Azərbaycanın mülki sakinlərinə qarşı törətdiyi soyqırımı aktını bir daha pisləyirəm. Ermənistan öz təcavüzünə və soyqırımına görə məsuliyyət daşıyacaq", - deyə bəyanatda qeyd olunub.