Neftçalada polis vətəndaşlara müraciət etdi - Foto

  • 10:59 - 30 Mart

Nazirlər Kabineti yanında Operativ Qərargahın karantin elan olunması barədə qərarına əsasən Neftçala rayonunda maarifləndirmə tədbirləri həyata keçirilir.

Bu barədə Neftçala rayon İcra Hakimiyyətindən Avropa.info-ya bildirilib.

Neftçala rayonunda koronavirus infeksiyasının yayılmasının qarşısının alınması məqsədilə həyata keçirilən tədbirlərin ən mühüm hissəsi vətəndaşların sosial izolyasiya qaydalarına əməl etməsi və ünsiyyətin minimuma endirilməsidir, xüsusi ehtiyac olmadıqda evlərini tərk etməməsidir.

Məsələ ilə bağlı Neftçala rayon İcra Hakimiyyətinin aparatı, icra nümayəndələri və bələdiyyə sədrləri, həmçinin hüquq mühafizə orqanı əməkdaşları əhalinin sıx toplaşdığı park və xiyabanlarda, kənd mərkəzlərində sakinləri maarifləndiriblər.

Qeyd edək ki, Nazirlər Kabineti yanında Operativ Qərargahın qərarına əsasən 65 yaşdan yuxarı insanların evdən çıxması, ictimai yerlərdə, o cümlədən küçələrdə, parklarda və digər yerlərdə vətəndaşların 10 nəfərdən artıq qruplarda cəmləşməsi qadağandır.

Bununla yanaşı, insanlararası təmaslarda 2 metrlik məsafə saxlamaq, koronavirus xəstəliyi üçün xarakterik simptomların hiss olunduğu hallarda aşağıdakı nömrələrlə əlaqə saxlamaq mütləqdir.

Səhiyyə Nazirliyinin Qaynar Xətti: 9103 İcbari Tibbi Sığorta üzrə Dövlət Agentliyinin Çağrı Mərkəzi: 1542

 

 

 


Oxunma sayı: 7811

Oxşar yazılar

Əmmanda turizm sərgisi keçirildi – FOTO
Əmmanda turizm sərgisi keçirildi – FOTO
  • 23:45 - 24 Aprel
COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel
Dünyanın ən gözəl ölkələrindən birində işləmək istərdinizmi? - FOTO
Dünyanın ən gözəl ölkələrindən birində işləmək istərdinizmi? - FOTO
  • 12:33 - 24 Aprel