Baş Nazirin müavini Misirin Azərbaycandakı səfirliyində başsağlığı verib

  • 28 Fev - 2020

Azərbaycan Respublikasının Baş Nazirinin müavini Şahin Mustafayev fevralın 28-də Misir səfirliyinə gələrək, Misir Ərəb Respublikasının 4-cü Prezidenti, görkəmli siyasət və dövlət xadimi Hüsnü Mübarəkin vəfatı ilə əlaqədar başsağlığı verib.

Nazirlər Kabinetinin mətbuat xidmətindən Avropa.info-ya bildiriblər ki, Şahin Mustafayevi Misir Ərəb Respublikasının ölkəmizdəki fövqəladə və səlahiyyətli səfiri Adel İbrahim Ahmed İbrahim qarşılayıb. Baş Nazirin müavini Şahin Mustafayev Azərbaycan ilə Misir arasında mövcud olan dostluq münasibətlərini qeyd edərək, əməkdaşlığımızın uğurla inkişaf etdiyini bildirib.

Görüşün sonunda Şahin Mustafayev Azərbaycan hökuməti adından başsağlığı verib və matəm kitabına ürək sözlərini yazıb.


Oxunma sayı: 2355

Oxşar yazılar