ABŞ Aİ təyyarələrinə rüsumu artırır
- 19:10 - 15 Fevral
ABŞ hökuməti martın 18-dən etibarən Avropa İttifaqından (Aİ) idxal olunan təyyarələrə rüsumları 15%-ə qədər artırır.
TASS bildirir ki, bu barədə ABŞ-ın ticarət danışıqlarında nümayəndəsinin aparatının cümə günü yayılmış bəyanatında deyilir.
“ABŞ Aİ-dən idxal etdiyi təyyarələrə rüsumları 10%-dən 15%-ə qədər artırır, qərar 18 mart tarixində qüvvəyə minir”, - deyə məlumatda bildirilir.
Qeyd edək ki, son vaxtlar ABŞ-Aİ ticarət münasibətlərində narahatlıq yaşanır.