Zəvvarlarımızın Həcc ziyarətinə gedəcəyi tarix açıqlandı
- 15:20 - 28 Yanvar
Həcc ziyarətinə getmək istəyənlər üçün sənəd qəbulu davam edir.
Qafqaz Müsəlmanları İdarəsindən (QMİ) Avropa.info-ya verilən məlumata görə, hazırda 20-yə yaxın müraciət qeydə alınıb.
QMİ-dən o da bildirilib ki, zəvvarların Həcc ziyarəti üçün Səudiyyə Ərəbistanına gediş-dönüşü iyulun 20-dən avqustun 15-dək nəzərdə tutulur: “Zəvvarları aparan ilk təyyarənin iyulun 20-də yola düşəcəyi nəzərdə tutulur. Hazırda bununla bağlı AZAL-a məktub yazılır. Onların cavabından sonra tarix tam dəqiqləşəcək”.
Xatırladaq ki, Həcc ziyarətinə sənəd qəbulu yanvarın 24-dən başlayıb.
Sənədlərin qəbulu Ramazan ayının (may ayının sonu) sonuna kimi davam edəcək.
Həcc ziyarətinə 1500 nəfərlik kovata ayrılıb.
Ziyarətin qiyməti isə bir nəfər üçün 4490 dollar müəyyən edilib.