BDU-da kadr dəyişikliyi - İki prorektor, bir dekan işdən çıxarıldı

  • 17:50 - 27 Yanvar

Bakı Dövlət Universitetində kadr dəyişiklikləri aparılıb.

Universitetdən Avropa.rinfo-ya verilən xəbərə görə, Universitetin Elm və innovasiyalar üzrə prorektoru, AMEA-nın müxbir üzvü,  professor Aydın Kazımzadə öz ərizəsinə əsasən, tutduğu vəzifədən azad edilərək Rektorun elm və təhsil üzrə müşaviri vəzifəsinə təyinat alıb.

Elm və innovasiyalar üzrə prorektor vəzifəsinə fizika-riyaziyyat elmləri doktoru, professor Hüseyn Məmmədov, Ümumi məsələlər üzrə prorektor vəzifəsinə isə Mahir Hüseynov təyin edilib.

Biologiya fakültəsinin dekanı Akif Quliyev səhhəti ilə əlaqədar öz ərizəsinə əsasən, vəzifəsindən azad edilib. Həmin vəzifənin icrası dekan seçkilərinədək müvəqqəti olaraq fakültənin dosenti Çingiz Məmmədova həvalə edilib.

Elmi kitabxananın direktoru Sara İbrahimova öz ərizəsi əsasında tutduğu vəzifədən azad edilib. Kitabxananın direktoru vəzifəsinə Kitabxanaçılıq-informasiya fakültəsinin dosenti Nigar İsmayılova təyinat alıb.

Həmçinin BDU-nun Həmkarlar İttifaqı Komitəsinin növbəti iclası keçirilib. Azərbaycan Təhsil İşçiləri Azad Həmkarlar İttifaqının (ATİAHİ) sədr müavini Mirzə Cəfərzadənin də iştirak etdiyi iclasda Həmkarlar İttifaqı Komitəsinin sədri Hüseyn Məmmədov hesabat xarakterli çıxış edib.

HİK İdarə Heyətinin üzvləri və fakültə sədrləri hesabata münasibət bildiriblər. İclasda Komitənin sədri vəzifəsinə seçkilər keçirilib. Tarix fakültəsinin dekan müavini Rəşad Cabbarov HİK-in sədri seçilib.


Oxunma sayı: 6887

Oxşar yazılar

Azərbaycan mədəniyyətinin təbliğinə həsr olunan Bişkek Festivalı başladı – FOTO/VİDEO
Azərbaycan mədəniyyətinin təbliğinə həsr olunan Bişkek Festivalı başladı – FOTO/VİDEO
  • 19:06 - 13 Aprel
Dəniz, qum və günəş: Tarixin möhtəşəm abidələrini özündə qoruyan Kuşadası – FOTO
Dəniz, qum və günəş: Tarixin möhtəşəm abidələrini özündə qoruyan Kuşadası – FOTO
  • 10:41 - 15 Aprel
Həssas qrupdan olan şəxslərə İftar süfrəsi təşkil olundu - FOTO
Həssas qrupdan olan şəxslərə İftar süfrəsi təşkil olundu - FOTO
  • 13:26 - 08 Aprel