Türkiyədə zəlzələdə ölən və yaralananlar arasında Azərbaycan vətəndaşları yoxdur - Rəsmi

  • 25 Yan - 2020

Azərbaycanın Türkiyədəki səfirliyində Elazığ vilayətində baş vermiş dağıdıcı zəlzələ ilə bağlı yaradılan “qaynar xətt” fəaliyyətini davam etdirir.

Səfirlikdən Avropa.info-ya verilən məlumata görə, hadisədən dərhal sonra qurulan “qaynar xətt”lə əlaqə saxlayan aidiyyəti üzrə hökumət qurumlarının təmsilçiləri və KİV nümayəndələri vəziyyətlə maraqlanıblar.

“Qaynar xətt”ə vətəndaş müraciəti olmayıb. Türkiyə tərəfindən zərərçəkənlər arasında Azərbaycan vətəndaşının olması barədə məlumat qeydə alınmayıb.

“Qaynar xətt” zəlzələnin nəticələri tam şəkildə aydınlaşana qədər fəaliyyət göstərəcək.

Qeyd edək ki, ötən gün Türkiyənin Elazığ bölgəsində 6,8 bal gücündə zəlzələ olub. Təbii fəlakət nəticəsində azı 20 nəfər ölüb, 1015-dən çox insan yaralanıb.


Oxunma sayı: 4016

Oxşar yazılar