Zaqatalada iki minik avtomobili toqquşub, 4 nəfər xəsarət alıb
- 19:45 - 17 Yanvar
Zaqatalada yol-nəqliyyat hadisəsi baş verib.
APA-nın məlumatına görə, hadisə axşam saatlarında Zaqatala-Muxax avtomobil yolunda qeydə alınıb. “Mercedes” markalı, 99 GD 901 dövlət nömrə nişanlı avtomobil “VAZ 2107” markalı maşınla toqquşub. Qəza nəticəsində 4 nəfər xəsarət alıb. Yaralılar Zaqatala Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.