BMU-nun tələbəsi dünya çempionatında I yeri tutub – Foto

  • 24 Dek - 2019

Bakı Mühəndislik Universitetinin (BMU) İqtisadiyyat və idarəetmə fakültəsinin Maliyyə ixtisasının III kurs tələbəsi Elsevər İsmayılov Ukraynanın Xarkov şəhərində keçirilən WFFC Dünya Çempionatı 2019-da (WCFF World Championship 2019) iştirak edib. Çempionatda E.İsmayılov kunq-fu sanda döyüşü üzrə 65 kq çəki dərəcəsində I yerə layiq görülüb, qızıl medal və diplomla təltif olunub.

19-40 yaş arası idmançıların qatıldığı çempionat 3 mərhələdən ibarət olub. Finalda ukraynalı rəqibi ilə döyüşən tələbəmiz onu nokaut vəziyyətinə salaraq çempionatın qalibi adını qazanıb.

Qeyd edək ki, E.İsmayılov dəfələrlə kunq-fu sanda döyüşü üzrə Respublika çempionu, eyni zamanda Bakı kubokunun qalibi və Savat idman növü üzrə Azərbaycan kubokunun birincisi olub.

Tələbəmiz dünya çempionatında I yeri tutub

Oxunma sayı: 2982

Oxşar yazılar