İtaliya mətbuatı: Heydər Əliyev Azərbaycan-İtaliya strateji tərəfdaşlığına aparan yolun əsasını qoyub

  • 12 Dek - 2019

İtalyanın "European Affairs" online qəzetində italyan jurnalist Domeniko Letizianın ulu öndər Heydər Əliyev haqqında "Heydər Əliyev vəfatının 16-cı ildönümündə  Azərbaycan xalqının xatirəsində" sərlövhəli məqaləsi dərc olunub.

Avropa.info xəbər verir ki, məqaləsində italyan jurnalist Azərbaycanın cağdaş tarixinin ümimmilli liderin adı ilə bağlı olduğunu, bu gün Azərbaycanın çiçəklənməsi, tammiqyaslı və dinamik inkişaf yaşamasının ümummilli lider Heydər Əliyevin məqsədyönlü strategiyasından irəli gəldiyini bildirir.

Azərbaycanın müstəqilliyinin bərpasından sonra böyük çətinliklərlə üzləşdiyini yazan müəllif ölkənin müstəqilliyinin qorunması, beynəlxalq səviyyədə ilk təmaslarının qurulması, azad bazar iqtisadiyyatı prinsiplərinə qoşulması, sülh və demokratiya yoluna qədəm qoymasının Heydər Əliyevin fəaliyyətinin nəticəsi olduğunu qeyd edir.

Jurnalist məqaləsində bildirir ki, müstəqilliyin ilk çətin illərində Heydər Əliyev Azərbaycanın müstəqilliyi və gücünü, modern dövlətçiliyin, güclü dövlət institutlarının qurulmasını, vətəndaş cəmiyyəti və iqtisadiyyatın inkişafını təmin edib.

Yazısında ümimmilli liderin fəaliyyətinin əsas istiqamətlərinə diqqəti yönəldərək, bu xüsusda, Ümummilli Liderin Ermənistanın Azərbaycana qarşı hərbi təcavüzünün qarşısının alınması və münaqişənin Azərbaycanın ərazi bütövlüyü çərçivəsində həllinə nail olunması, ordu quruculuğunun, Azərbaycanın müstəqil siyasətinin təmin olunması, 1994-cü ildə "Əsrin müqaviləsi"nin imzalanması ilə transmilli şirkətlərin ölkənin neft və qaz  sektoruna cəlb edilməsi, ölkədə sosial-iqtisadi inkişafın əsaslarının qoyulması, müxtəlif din və mədəniyyətlərin sülh içində birgə yaşamasına söykənən multikulturalizm ənənələrinin qorunub saxlanılması və milli maraqların müdafiəsi məqsədilə həyata keçirdiyi siyasi xətt barədə məlumat verir və bu siyasətin hazırda prezident İlham Əliyev tərəfindən böyük uğurla davam etdirildiyini bildirir.

Heydər Əliyevin Azərbaycan-İtaliya münasibətlərinə də böyük töhfə verdiyini deyən jurnalist Ümummilli Liderin 1997-ci ildə İtaliyaya rəsmi səfərinin bu gün iki ölkə arasında strateji tərəfdaşlıq səviyyəsinə yüksəlmiş əməkdaşlığa aparan yolun əsasını qoyduğunu qeyd edir. Hazırda Azərbaycan və İtaliya arasında siyasi, iqtisadi, mədəni və akademik sahələrdə yüksək səviyyəli əməkdaşlığın mövcudluğunu və ötən ilin iyul ayında İtaliya prezidenti Sercio Mattarellanın Azərbaycana dövlət səfərinin də bunu təsdiq etdiyini bildirir.

Məqalə ilə aşağıdakı keçiddən tanış olmaq mümkündür:

https://www.europeanaffairs.it/blog/2019/12/11/heydar-aliyev-nel-ricordo-del-popolo-dellazerbaigian-a-16-anni-dalla-sua-scomparsa/


Oxunma sayı: 1365

Oxşar yazılar