“Suriyada kürdlərin muxtariyyət tələbini rədd edirik” – Əsəd rejiminin BMT-dəki nümayəndəsi
- 12:44 - 12 Dekabr
“Suriyada kürd problemi yoxdur. Bu üzdən kürdlərin muxtariyyət tələblərini qəbul etmirik”.
Avropa.info xəbər verir ki, bu sözləri Suriyanın BMT-də daimi nümayəndəsi Bəşər Cəfəri Astana prosesinin 14-cü iclasının keçirildiyi Qazaxıstan paytaxtı Nursultanda deyib.
“Suriyada kürd əsilli prezident, baş nazir və nazirlər oldu. Universitet müəllimləri, ordu zabitləri və polislər arasında da kürdlər var. Qısası Suriyada kürd problemi yoxdur” - “Rûdaw” telekanalının sualına cavab verən Cəfəri belə deyib.
Cəfəri Astana prosesinin iclası zamanı muxtariyyət kimi bütün separatçı cəhdləri rədd etdiklərini bildirib:
“Çünki muxtariyyət də bir növ separatizmdir və Suriyada buna nə hökumət, nə də xalq razılıq vermir. Ancaq dialoqa açıq olduğunuzu ifadə edirik."