Qusarda 15 yaşlı qız dəm qazından zəhərlənərək ölüb
- 20:52 - 08 Dekabr
Bu gün Qusar rayonunda dəm qazından zəhərlənmə faktı qeydə alınıb.
APA-nın verdiyi məlumata görə, hadisə Qusar şəhəri, Sahil küçəsi, ev 30 ünvanında baş verib.
2004-cü il təvəllüdlü Niftəliyeva Yeva Vahid qızı yaşadıqları evin hamam otağında dəm qazından zəhərlənib. 15 yaşlı qız xəstəxanaya aparılarkən yolda dünyasını dəyişib.
Faktla bağlı araşdırmalar davam etdirilir.