Rafael Dadaşovun hansı xəstəlikdən əziyyət çəkdiyi bilindi – Yenilənib

  • 17:00 - 03 Dekabr

Səhiyyə Nazirliyi Xalq artisti Rafael Dadaşovun səhhəti ilə bağlı məlumat yayıb.

Qurumdan Avropa.info-ya daxil olan məlumata görə, Xalq artisti dünən axşam saatlarında Mərkəzi Neftçilər Xəstəxanasına ürəyin işemik xəstəliyi infarktdan sonrakı kardioskleroz və ağciyərlərin xroniki abstruktiv xəstəliyi diaqnozu ilə yerləşdirilib.

Hazırda reanimasiya şöbəsində müalicəsi davam edir. Vəziyyəti həkimlər tərəfindən ağır stabil qiymətləndirilir.

***

“Xalq artisti Rafael Dadaşov dünən xəstəxanamıza yerləşdirilib”.

Bu barədə Lent.az -a Mərkəzi Neftçilər Xəstəxanasından məlumat verilib. Bildirilib ki, R.Dadaşov 2009-cu ildə xəstəxanada ürəyindən əməliyyat edilib: “Ondan 5-6 il sonra ağciyərlərin xroniki obstruktiv xəstəliyi ilə bağlı təkrar xəstəxanada olub. Hazırda onun diaqnozu ürəyin işemik xəstəliyidir. Bundan başqa, ikinci diaqnoz isə ağciyərlərin xroniki akstruktiv xəstəliyi ilə bağlıdır. Xalq artistinin müalicəsi hazırda klinikamızda davam edir. Özü danışır və hər şey qaydasındadır”.

***

Xalq artisti, Akademik Milli Dram Teatrının aktyoru Rafael Dadaşovun səhhəti ağırlaşıb.

Bu barədə Lent.az -a açıqlamasında 73 yaşlı xalq artistinin qızı müğənni Səidə Dadaşova məlumat verib. Onun sözlərinə görə, atasının vəziyyəti yaxşı deyil:

“Atamın vəziyyəti heç də yaxşı deyil. Hazırda Mərkəzi Neftçilər Xəstəxanasının reanimasiya şöbəsindədir. Dəqiq hansı xəstəlikdən əziyyət çəkdiyini bilmirik. Gah dedilər, problem ürəyində, gah da ağ ciyərindədir. Həkim nəzarətindədir, amma səhhəti ağırdır”.


Oxunma sayı: 4247

Oxşar yazılar