Hindistanda şiddətli yağışlar 5 nəfərin ölümünə səbəb olub

  • 01 Dek - 2019

Hindistanın Tamil-Nadu ştatında son 2 gündür yağan şiddətli yağışlar ən azı 5 nəfərin ölümünə səbəbə olub.
Avropa.info xəbər verir ki, şiddətli yağışların Kuddalor rayonunda törətdiyi sel və daşqınlara görə min nəfər təxliyə edilib. Bəzi yerlərdə elektrik təchizatı dayandırılıb, 100-dən çox evə ciddi ziyan dəyib, min hektar əkin sahəsini su basıb.
Ştatın meteorologiya qurumu şiddətli yağışların daha iki gün davam edəcəyi proqnozunu əsas götürərək 6 rayonda ən yüksək səviyyədə xəbərdarlıq elan edib. Balıqçı gəmilərinin sahilə qayıtması tövsiyə olunub. Bəzi yaşayış məntəqələrində yağıntının miqdarının 200 millimetrə çatacağı gözlənilir. Puduçeri rayonunda orta məktəblərdə dekabrın 2-nə nəzərdə tutulan dərslər təxirə salınıb.
Bildirilir ki, oktyabr ayında şimal-şərq musson yağışları başlayandan bəri Tamil-Nadu ştatında 390 millimetr miqdarında yağıntı qeydə alınıb.


Oxunma sayı: 639

Oxşar yazılar