Keçmiş məhkumdan heroin və oyuncaq tapança götürüldü
- 14:26 - 25 Noyabr
Bakıda keçmiş məhkumdan narkotik vasitə və oyuncaq tapança aşkarlanıb.
Hadisə paytaxtın Səbail rayon ərazisində baş verib. Belə ki, Səbail Rayon Polis İdarəsinin 8-ci Polis Bölməsi və Əlahiddə Çevik Polis Alayının birgə keçirdiyi əməliyyat-axtarış tədbirləri nəticəsində Şirvan şəhər sakini, 1969-cu il təvəllüdlü, əvvəllər məhkum olunmuş F.Ağayev saxlanılıb.
Onun üzərinə baxış keçirilən zaman 1,056 qram heroin və dəmir korpuslu oyuncaq tapança aşkar olunaraq götürülüb.
Faktla bağlı araşdırma aparılır. (report)