BDU-dan zəhərlənən tələbə qızlarla bağlı açıqlama: "Evə buraxılacaqlar"
- 11:39 - 22 Noyabr
"Bakı Dövlət Universitetinin (BDU) zəhərlənmə diaqnozu ilə xəstəxanaya yerləşdirilən tələbələrinin vəziyyəti normaldır".
Bu barədə Avropa.info-ya BDU-nun mətbuat xidmətinin rəhbəri Pərvanə İbrahimova məlumat verib. O bildirib ki, bu gün səhər universitetin rektoru və müşaviri xəstəxanada tələbələrin yanında olublar:
"Tələbələr özlərini yaxşı hiss edir, gəzir, yemək yeyirlər. Onlar həkimlərin tam nəzarəti altındadırlar. Yaxın günlərdə evə buraxılacaqlar. Hətta onlar oxumaq üçün kitab istəyiblər.
Tələbələrimizə şəfa diləyir və tezliklə sağalmalarını arzulayırıq".