Donald Tramp impiçment işi üzrə dinləmələrdə çıxış edə bilər

  • 22:22 - 18 Noyabr

ABŞ Prezidenti Donald Tramp impiçment işi üzrə dinləmələrdə çıxış etmək imkanlarını nəzərdən keçirəcəyini deyib. 

Donald Tramp nümayəndələr palatasının spikeri Nensi Pelosinin dinləmələrdə ona qarşı irəli sürülən ittihamlara cavab vermək təklifini xatırladıb. 

“O, cavabı yazılı şəkildə verə biləcəyimi deyib. Pis iş görməmişəm və qanunsuz prosesə legitimlik qazandırmağı sevmirəm, bu ideya mənim xoşuma gəlir. Konqresin fikrini yenidən toplaması üçün bunu diqqətlə nəzərdən keçirəcəyəm”, - deyə ABŞ Prezidenti bildirib. 

Xatırladaq ki, ABŞ-da Donald Trampla Ukrayna Prezidenti Vladimir Zelenski arasında telefon danışığı ətrafinda böyük qalmaqal yaşanır. Birləşmiş Ştatlar və Ukrayna prezidentlərinin telefon danışığının stenoqramı Donald Trampın həqiqətən də Kiyevə maliyyə yardımı qarşılığında Vladimir Zelenskidən direktorlar heyətinə Co Baydenin oğlunun da daxil olduğu “Burisma Group” kompaniyasının, həmçinin Hanter Baydenin özünün fəaliyyətini araşdıran Ukraynanın sabiq Baş prokuroru Viktor Şokinin istefa şəraitinin tədqiqi barədə xahiş etdiyini təsdiqləyib. Birləşmiş Ştatlar liderinin impiçment prosedurunun başlamasına məhz bu qalmaqal səbəb olub. Demokrat Co Bayden 2020-ci ilin noyabrında keçiriləcək prezident seçkilərində Donald Trampın əsas rəqibi sayılır.


Oxunma sayı: 3906

Oxşar yazılar

Türkiyənin Azərbaycandakı səfirliyində yeni TƏYİNAT
Türkiyənin Azərbaycandakı səfirliyində yeni TƏYİNAT
  • 12:00 - 19 Aprel
Paris İrəvanla Bakı arasında münasibətlərin normallaşmasına mane olur - AÇIQLAMA
Paris İrəvanla Bakı arasında münasibətlərin normallaşmasına mane olur - AÇIQLAMA
  • 21:27 - 18 Aprel
Troyada ən qədim yaşayış məskənləri - FOTO
Troyada ən qədim yaşayış məskənləri - FOTO
  • 14:59 - 17 Aprel