İspaniyada parlament seçkiləri keçirilir

  • 10 Noy - 2019

Bu gün İspaniyada son 4 ildə dördüncü dəfə parlament seçkiləri keçirilir.

 Baş Nazir vəzifəsini icra edən Pedro Sançes 2019-cu ilin aprelində keçirilən səsvermədən sonra parlamentdə yer alan partiyalar arasında ziddiyyətləri aradan qaldıra bilmədiyi üçün yeni seçkilərin keçirilməsini vacib sayıb.

Sosioloji sorğular ölkədə siyasi sabitliyin mövcud olmadığını göstərir. Bununla belə, bu seçkilərdə də sosialistlərin qələbəsi proqnozlaşdırılır. Amma hər hansı partiyanın 350 deputatın olduğu parlamentdə çoxluğa nail olacağı gözlənilmir. Seçkilərdə ümumilikdə 5 partiya iştirak edir.

Təhlükəsizlik qüvvələri Kataloniyada seçkilərin təhlükəsiz keçirilməsini təmin edir. Hakimiyyət regionun müstəqilliyini dəstəkləyənlərin seçkilərə müdaxilə etməsi ehtimalından narahatdır. Kataloniyada iğtişaşlar sosialistlərin deyil, “Voks” Milli-Mühafizəkar Partiyasının reytinqini artırdığını bildirirlər.(apa)


Oxunma sayı: 738

Oxşar yazılar