Oktay Gülalıyevin son durumu barədə oğlu danışdı

  • 15:31 - 08 Noyabr

Türkiyənin İstanbul şəhərindəki Avrasiya xəstəxanasında müalicə alan hüquq müdafiəçisi Oktay Gülalıyevin durumu hələ də ağırdır.

Avropa.info xəbər verir ki, bu barədə O.Gülalıyevin oğlu Təbriz Gülalıyev məlumat verib. 

O bildirib ki, hazırda atasının süni nəfəs aparatından çıxarılmasına baxmayaraq, koma vəziyyətindədir:

"Həkimlər tezliklə ayılacağına dair söz deməyiblər. Onu da qeyd edim ki, daxili orqanlarında heç bir zərər olmadığı üçün özünün nəfəs alması normaldır. Əsas baş nahiyəsində olan ağır zədələrdir. Bununla bağlı heç bir irəliləyiş yoxdur".

Qeyd edək ki, Oktay Gülalıyev oktyabrın 29-u saat 17:20 radələrində 28 May küçəsi ilə Puşkin küçələrinin kəsişməsində taksi fəaliyyəti ilə məşğul olan sürücü Kənan Abdullayev idarə etdiyi “Hyundai Accent” markalı avtomobillə yolu keçən zaman vurulub. Oktyabrın 30-da "City Hospital"da O.Gülalıyev üzərində cərrahiyyə əməliyyatı keçirilib.

Onun müalicəsi Respublika Neyrocərrahiyyə Xəstəxanasında davam etdirilib.

Heydər Əliyev Fondu Oktay Gülalıyevin müalicəsini üzərinə götürüb. Ailəsinin müraciəti nəzərə alınaraq, koma vəziyyətində olan Oktay Gülalıyevin müalicəsinə dəstək baxımından xaricdən mütəxəssislər cəlb olunub. İstanbuldan dəvət olunmuş həkim Oktay Gülalıyevin vəziyyəti ilə yerində tanış olub. Ailəsi Oqtay Gülalıyevin müalicəsinin Türkiyədə davam etdirilməsinə qərar verdiyindən Heydər Əliyev Fondunun prezidenti Mehriban Əliyevanın tapşırığına əsasən, onun Türkiyəyə aparılması üçün xüsusi ambulans təyyarə ayrılıb.

Oktay Gülalıyevin səhhəti ilə bağlı bundan sonra da yaranan bütün zəruri məsələlərin Heydər Əliyev Fondunun prezidentinin nəzarətində saxlanılacağı və müvafiq dəstəyin göstəriləcəyi bildirilib.

Görüntünün olası içeriği: bir veya daha fazla kişi, yatak odası ve iç mekan

Oxunma sayı: 8031

Oxşar yazılar

Azərbaycanla Avropa İttifaqı ölkələri arasında münasibətlərin keyfiyyətcə yeni MƏRHƏLƏSİ
Azərbaycanla Avropa İttifaqı ölkələri arasında münasibətlərin keyfiyyətcə yeni MƏRHƏLƏSİ
  • 17:31 - 08 May
"Cənub bölgəsində mədəni irsin təbliği istiqamətində təşəbbüslər": Media və Mülki Cəmiyyət İctimai Birliyi yeni layihəyə start verdi - FOTO
  • 11:52 - 08 May
Dünya müftilərinə həsr olunmuş yeni kitab çapdan çıxıb
Dünya müftilərinə həsr olunmuş yeni kitab çapdan çıxıb
  • 11:44 - 08 May