BMU-nun gənc müəllimi Keele Universitetində tədqiqat aparıb

  • 14 Okt - 2019

Bakı Mühəndislik Universitetinin (BMU) Riyaziyyat kafedrasının gənc müəllimi Süheyla Bəhlulzadə Erasmus + mübadilə proqramı çərçivəsində İngiltərənin Keele Universitetində olub. Üç ay müddətində bu universitetin Hesablama və riyaziyyat fakültəsinin təşkil etdiyi seminarlarda iştirak edən S.Bəhlulzadə burada tədqiqat aparıb, həmçinin dərslərə qatılıb.

Bu barədə Avropa.info-ya BMU-nun İctimaiyyətlə əlaqələr şöbəsindən məlumat verilib.

Bildirilib ki, bundan başqa, S.Bəhlulzadə Keele Universitetinin müəllimləri və tələbələri üçün Azərbaycan, eləcə də BMU haqqında təqdimatlar edib.

Qeyd edək ki, Erasmus+ mübadilə proqramı əməkdaş universitetlər arasında tələbə, akademik və inzibati heyətin mübadiləsini həyata keçirir. Proqram ilə xarici ölkələrdə təhsil almaqla, tələbələr ünsiyyət və dil bacarıqlarını inkişaf etdirə, gələcək məşğulluqları üçün vacib olan bir sıra bacarıqlara yiyələnə bilərlər.


Oxunma sayı: 683

Oxşar yazılar