Bu rayonlarda qaz kəsilib - Xətlər zədələnib (Foto)

  • 08 Okt - 2019

Tərtər və Bərdə rayonlarında avtomobillərlə 3 yerdə qaz xətlərini zədələyiblər.

"Azəriqaz" İstehsalat Birliyindən Avropa.info-ya verilən məlumata görə, Tərtər rayonunun Nəsimi küçəsində diametri 76 mm olan qaz xəttinin avtomobillə vurulması səbəbindən bu gün saat 12:55-dən 380 abonentin qaz təchizatı dayandırılıb.

Rayonun Cəmilli kəndində isə 50 mm diametrində siyirtməni avtomobillə vurub qırıblar.

Bu zaman xətdə qaz sızması aşkarlanıb. Hazırda bu sızmanın ləğvi işləri aparılır. Bərdə rayonunun Qazaxlar kəndində kombaynla 50 mm diametrində olan siyirtməni zədələyiblər. Saat 14:10-dan etibarən 73 abonentin qaz təminatında fasilə yaranıb.

 

 


Oxunma sayı: 375

Oxşar yazılar