İran hava məkanına girən bütün PUA-ları vuracaq
- 23:41 - 21 Sentyabr
İran ölkənin hava məkanını pozan istənilən pilotsuz uçan aparatı (PUA) vuracaq.
Virtualaz.org yerli KİV-ə istinadən bildirir ki, bunu İran İslam İnqilabı Keşikçilər Korpusunun (SEPAH) rəhbəri Hüseyn Salami deyib.
“Biz hava məkanımıza daxil olan PUA-ları məhv etməyə davam edəcəyik. İran özünün cavab fəaliyyətlərində qətiyyətlidir, onun istənilən cavabı sərt olacaq”, - deyə o bildirib.
Xatırladaq ki, iyun ayında İran ABŞ-ın “Global Hawk” PUA-sını sərhədi pozduğuna görə Hörmüzgən əyalətində vurduğunu bildirmişdi.